Sham Ka manzar, uljha rasta, aik kahani, tu or main

Sham Ka manzar, uljha rasta, aik kahani, tu or main
Dhalta suraj, barhta saya, kashti-rani, tu or main.

Band ik kamra, chup ka manzar, bhooli bisri deepak yad
Tanhaai, dukh, khauf ki lazzat, dilbar jani, tu or main.

Titli, khushbu, rang ki baaten, shabnam sy sharmeelay khwab
Aas ka panchi, gum-sum khwahish, raat ki raani, tu or main.

Palkein, chilman, sharma sharmi, kam kam goya nazren
chahat bholi bhali seedhi saadi ik naadani, tu or main.

Koi Chehre Ka Deewana, Hai Koi Ikhlaaq Ka Taalib,

Koi Chehre Ka Deewana, Hai Koi Ikhlaaq Ka Taalib,

Adayein Peecha Karwati, Hain Muhabbat Kon Karta Hai.

Har Zarra-e-Umeed Se Khushbuu Nikal Aaye

Har Zarra-e-Umeed Se Khushbuu Nikal Aaye
Tanhaayi Ke Sehra Mein Agar TU Nikal Aaye,

Kaisa Lagay Is Baar Agar Mausam-e-Gul Mein
Titli Ka Badan Oorh Kar Jugnuu Nikal Aaye,

Phir Din Teri Yaadon Ki Mundairon Pe Guzra
Phir Shaam Howi Aankh Se Aansoo Nikal Aaye,

Be-Chain Kye Rehta Hai Dharka Yehi Ji Ko
Tujh Mein Na Zamanay Ki Koi Khu Nikal Aaye,

Phir Dil Ne Kya Tark-e-Talluq Ka Iraada
Phir Tujh Se Mulaqaat Ke Pehluu Nikal Aaye.

Apni Zulfon Ko Sitaaron Ke Havaale Kar Do

Apni Zulfon Ko Sitaaron Ke Havaale Kar Do
Shahr-E-Gul Baada-Gusaaron Ke Havaale Kar Do,

Talkhi-E-Hosh Ho Yaa Masti-E-Idraak-E-Junoon
Aaj Har Cheez Bahaaron Ke Havaale Kar Do,

Mujh Ko Yaaro Na Karo Rahnumaaon Ke Supurd
Mujh Ko Tum Rahguzaaron Ke Havaale Kar Do,

Jaagne Vaalon Ka Toofaan Se Kar Do Rishta
Sone Vaalon Ko Kinaaron Ke Havaale Kar Do,

Meri Taubaa Kaa Bajaa Hai Yahi Ejaaz "Adam"
Mera Saaghar Mere Yaaron Ke Havaale Kar Do.

Ab Do Aalam Se Sadaa-E-Saaz Aati Hai Mujhe

Ab Do Aalam Se Sadaa-E-Saaz Aati Hai Mujhe
Dil Ki Aahat Se Teri Aavaaz Aati Hai Mujhe,

Yaa Samaat Ka Bharam Hai Yaa Kisi Naghmen Ki Goonj
Ek Pahchaani Hui Aavaaz Aati Hai Mujhe,

Kis Ne Khola Hai Havaa Men Gesuon Ko Naaz Se
Narm-Rau Barsaat Ki Aavaaz Aati Hai Mujhe,

Us Ki Naazuk Ungliyon Ko Dekh Kar Aksar"Adam"
Ek Halki Si Sadaa-E-Saaz Aati Hai Mujhe.

Nigaahein Chura Kar K O Janay Walay

Nigaahein Chura Kar K O Janay Walay
Munaasib Nahi Ye Sitam Chaltay Chaltay,

Mila Na Mujh Sa Jo Ehl -e- Wafa To Kya Ho Ga
Taras K Rah Gaya Shauq-e-Jafa To Kya Ho Ga,

Huzoor Ko Faqt Apne Shabaab Par Hai Ghuroor
Agar Shabaab De Gaya Dagha To Kya Ho Ga,

Nigaahein Chura Kar K O Janay Walay
Munaasib Nahi Ye Sitam Chaltay Chaltay,

Kya Yehi Rasm-e-Wafa Haim Kya Yehi Khuloos?

Nigaahein Chura Kar K O Janay Walay
Munaasib Nahi Ye Sitam Chaltay Chaltay,

Tum Chhup Nahi Sakte, Kaheen Tum Ja Nahi Sakte
Tum Mere Takhaiyul Mein Ho, Tum Meri Nazar Mein,

Nigaahein Chura Kar K O Janay Walay
Munaasib Nahi Ye Sitam Chaltay Chaltay,

Daaman Churra K Aap Ne Jaana Hi Tha Agar
Nazrein Utha K Pyar Se Dekha Tha Kis Liye?

Thehro Zara K Main Tumhein Jee Bhar K Dekh Loon
Aisa Na Hi Ke Gir Parre Deewaar Khwaab Ki,

Kya Khushaamad Ho Rahi Thi Dil K Lene Ke Liye
Kaise Nazrein Phair Lee'n Matlab Nikal Jaane Ke Baad,

Nigaahein Chura Kar K O Janay Walay
Munaasib Nahi Ye Sitam Chaltay Chaltay,

Nigaahein Chura Kar K O Janay Walay
Munaasib Nahi Ye Sitam Chaltay Chaltay,

Zara Apni Utthti Jawani Ka Sadqa
Idhar Bhi Nigaah_e_Karam Chaltay Chaltay,

Abroo Na Sanwaara Karo, Katt Jaye Gi Ungli
Naadaan ! Kabhi Talwaar Se Khaila Nahi Karte,

Pyar Hota Hai To Ik Dil Mein Jalan Rehti Hai
Khaar Chubh Jaane Se Jese K Chubhan Rehti Hai,

Faasla Ishq Ki Manzil Ka Hai Do Chaar Qadam
Saal-ha Saal Magar Iski Thakan Rehti Hai,

Meri Jaan Idhar Bhi To Aik Nigaah-e-Naaz Ho
Husn Kare Taraqqiyaan Umar Teri Daraaz Ho,

Nigaahein Chura Kar K O Janay Walay
Munaasib Nahi Ye Sitam Chaltay Chaltay,

Chalay Aaye Thay Aaj Us Ki Gali Say
Yehi Soch Kar Wahaan Na Jayein Gay Lekin,

Jo Peechay Say Us Be_wafa Nay Pukara
Wahee'n Ruk Gaye Bas Qadam Chaltay Chaltay,

Likha Khat Usi Ko Mukhaatab Koi Tha
Magar Baar-ha Aisa Aalam Bhi Guzra,

Khayaal Aa Gaya Us Gharri Jab Tumhara
Waheen Ruk Gaya Bas Qalam Chaltay Chalay,

Na Taana_Zani Kar Meri May_Kashi Par
Zara Pooch Apni Nasheeli Nazar Say,

Khata_Gar Nahi Teri Nazaro'n Ki Zalim
To Kiyon Larkharraye Qadam Chaltay Chaltay,

Raqeebo'n Say Milna, Humein Bhool Jana
Kahaan Ka Ye Insaaf Hai O Sitam_Gar,

Karo Yaad Wo Din K Hum Say Wafa Ki
Uthaai Thi Tu Nay Qasam Chaltay Chaltay.

Is Dard Ki Duniya Se Guzar Kion Nahi Jate

Is Dard Ki Duniya Se Guzar Kion Nahi Jate
Ye Log Bhi Kia Log Hain, Mar Kion Nahi Jate,

Hai Kon Zamane Mein Mera Poochne Wala?
Nadaan Hain Jo Kehte Hain Ke Ghar Kion Nahi Jate,

Shouley Hain To Kion In Ko Bharakte Nahi Dekha?
Hain Khak To Rahon Mein, Bikhar Kion Nahi Jate,

Aansu Bhi Hain Aankhon Mein, Dua’in Bhi Hain Lab Par
Bigrey Hue Halaat, Sanwar Kion Nahi Jate.

Darguzar us ki har jafa kardi

Darguzar us ki har jafa kardi
Us k haq mein aj phir Dua kar di,

Aik lamhay mein kho diya us ko
Jis ko panay mein inteha kar di,

Jis ne dekha wo ho gaya us ka
Us ki tasveer hum ne Aaina kr di,

Us ki ik zara si khushi k liye..Hum ne
Apnay hi haq mein bud-dua kar di,

kya karte apni anjaan chahton ka
us ne hi hamari ulfat bewajah kr di,

ab to mayassar nhi pyar k wo lamhaat hamein
jin ko pane k liye ham ne hasratain fana kr di.

Tumhara Naam Likh Likh Kar

Tumhara Naam Likh Likh Kar
Mitaana Bhool Jaati Hoon,

Tumhein Jab Yaad Karti Hoon
Bhulana Bhool Jaati Hoon,

Bohat Si Aesi Baatein Hain Jo
Mere Dil Mein Rehtin Hain,

Magar! Jab Tum Se Milti Hoon
Sunaana Bhool Jaati Hoon,

Tumhaare Baad Ab Har Pal Bari
Mushkil Se Kat'ta Hai,

Mein Aksar Tum Ko Khuwaabon Mein
Bataana Bhool Jaati Hoon,

Mein Har Shaam Kehti Hoon
Tum Ko Bhool Jaaon Gi,

Magar! Jab Subha Hoti Hai
Iraada Bhool Jaati Hoon.

Khamooshi,

Es qadar khamooshi hay charoo taraf

Zehan sochay tu shor hota hay.

Urdu Heart Touching Poetry, Urdu Poetry, Humsafar Poetry,

Humsafar becharr gaye rastay bhi kho gaye

Aaye phir na lott kar jo dewanay hogaye.

Raaz yeh dil k uske saamne yun kholengay

Raaz yeh dil k uske saamne yun kholengay
Woh mil jaye tou phoolon se usse tolengay,

Sula denge unhen haathon ki thapki de kar
Subha honton se uski palkon ko kholenge.